[美食攻略]
好多人鍾意去南丫島行山，有榕樹灣出發，係Cafe慢活完，沿路一路行山，睇吓風車，洪聖爺灣，最後去到索罟灣食海鮮！如果大家有行過，都一定見過沿路有間叫建興阿婆豆腐花。呢間豆腐花嘅環境其實真係好臨時，但配合返周圍環境天然無添加，其實都幾特別嘅。佢嘅豆腐花豆味唔係話真係好重，不過都算係幾滑！凍既豆腐花入邊已經加左糖，個甜都係好適中，而且種甜係好清個種甜！
其實我個人覺得，係唔同地方食既豆腐花其實都差唔多，不過豆腐花呢樣野，永遠都係喺大自然嘅環境下食，會比較好味！而且係行山咁攰嘅情況，有碗豆腐花支持下，都真係幾心曠神怡架！有機會行過就試吓啦！
南丫島建興阿婆豆腐花
大約HKD11